
Tontosa androany 23 aogositra 2024 teto Fiadanana ny famindram-pitantanana teo amin’Andriamatoa Minisitry ny Fampianarana Ambony sy ny Fikarohana Ara-tsiansa mpisolo toerana, Pr RAVOKATRA Fidiniavo, sy Ramatoa Minisitry ny Fampianarana Ambony sy ny Fikarohana Ara-tsiansa vaovao, Pr CHAMINAH Loulla.
Nanatrika ity fotoana ity ireo mpisehatra amin’ny fampianarana ambony sy ny fikarohana ara-tsiansa, notronin’ny fianakaviamben’ny Ministeran’ny Fampianarana Ambony sy ny Fikarohana Ara-tsiansa, sy ny Ministeran’ny Rano, ny fanadiovana ary ny Fidiovana.
Nankasitraka ny Filoham-pirenena sy ny Praiminisitra ny Minisitra mpisolo toerana, ary nisaotra ireo mpiara-miasa rehetra ihany koa tamin’ny asa niarahana nandritra izay volana maromaro izay.
Naneho fisaorana anโAndriamatoa Filoham-pirenena sy Andriamatoa Praiminisitra Lehiben’ny Governemanta ihany koa ny Minisitra vaovao voatendry, tamin’ny fametrahana fitokisana taminy. Vonona hanome ny tsara indrindra avy aminy ny tenany, hoy izy, mba ho mendrika izany fitokisana izany. Nambarany fa mipetraka ho fahatsiarovana ireo asa vitan’ireo Minisitra rehetra nifandimby nitantana ity Ministera ity, ka isan’izany ny Minisitra izay nodimbiasany.
Niantso ireo mpiara-miasa izy hifanolo-tanana sy hanampy, ka hanao ezaka ny rehetra hanohy miaraka ireo politika ankapobeny hanatsarana ny Ministera. Isan’ny zava-dehibe indrindra, ary laharam-pahamehan’ny fitondram-panjakana rahateo, ny fampandehanana ireo Oniversite manakaiky vahoaka isam-paritra.
Teo am-pamaranana dia nirary Ramatoa Ministra mba ho Ministera lavitry ny gidragidra sy ny disadisa ny Ministeran’ny Fampianarana Ambony sy ny Fikarohana Ara-tsiansa.
Ny fianakaviamben’ny MESUPRES dia miarahaba sy mirary soa ny Minisitra vaovao amin’ny adidy iantsorohany.






More Stories
๐๐๐ญ๐ฌ๐ข๐ค๐ ๐๐๐ง๐๐๐ข๐จ๐ฏ๐๐ง๐ ๐ก๐จ ๐๐๐ง๐๐ญ๐ฌ๐๐ซ๐๐ง๐ ๐ง๐ฒ ๐๐๐ง๐ฬ๐ง๐๐งโ๐๐ง๐ญ๐๐ง๐๐ง๐๐ซ๐ข๐ฏ๐จ ๐๐๐ง๐๐ซ๐๐ฒ ๐๐ง๐ฃ๐๐ซ๐ ๐ฆ๐๐ฏ๐ข๐ญ๐ซ๐ข๐ค๐ ๐ง๐ฒ ๐๐ค๐ข๐ฉ๐๐งโ๐ง๐ฒ ๐๐๐๐๐๐๐๐
๐โ๐ฎ๐ป๐๐ฒ๐ป๐ป๐ฒ ๐๐๐๐ฆ๐ง ๐ฑ๐ฒ ๐๐ถ๐ฎ๐ป๐ฎ๐ฟ๐ฎ๐ป๐๐๐ผ๐ฎ ๐ฎ๐ ๐ฆ๐ฎ๐น๐ผ๐ป ๐ฑ๐ฒ๐ ๐๐ป๐๐ฟ๐ฒ๐ฝ๐ฟ๐ถ๐๐ฒ๐ 3.0
๐ง๐ผ๐ฟ๐ผ๐น๐ฎ๐น๐ฎ๐ป๐ฎ ๐ฎ๐ฟ๐ฎ๐ธ’๐ฎ๐๐ฎ ๐๐ ๐ณ๐ฎ๐ป๐ฒ๐ป๐๐ฎ๐ป๐ฎ๐ป๐ฎ ๐บ๐ฎ๐ต๐ฎ๐ธ๐ฎ๐๐ถ๐ธ๐ฎ ๐ป๐ ๐ณ๐ฎ๐ป๐ฑ๐ฟ๐ถ๐ป๐ฑ๐ฟ๐ฎ๐ป๐ฎ ๐ป๐ ๐ณ๐ถ๐ฎ๐ถ๐ป๐ฎ๐บ-๐ฝ๐ถ๐ฎ๐ป๐ฎ๐ธ๐ฎ๐๐ถ๐ฎ๐ป๐ฎ ๐๐ฎ๐ป๐ ๐ง๐ผ๐ฎ๐บ๐ฎ๐๐ถ๐ป๐ฎ