smart
Nosokafana tamin’ny fomba ofisialy androany 22 Aogositra 2024 teto amin’ny Lycée J.J.Rabearivelo Analakely, ny “Salon de l’étudiant” andiany faharoa, izay karakarain’ny “Centre d’Information et de Documentation Scientifique et Technique” (CIDST) sy ny Ministeran’ny Fampianarana Ambony sy ny Fikarohana Ara-tsiansa (MESUPRES).
Trano eva miisa 85 mahery eo ho eo no aranty ety an-toerana izay ahitana mpandray anjara 75 mahery. Mpitsidika maherin’ny 25.000 eo ho eo no andrasana amin’ity andiany faharoa ity. Ankoatra ny fandraisana anjaran’ireo Oniversite miankina sy tsy miankina amin’ny fanjakana dia isan’ny mampiavaka ity hetsika karakarain’ny CIDST ity:
– ny fandraisan’anjaran’ireo Sekoly ambony misehatra amin’ny fampiofanana arak’asa nasionaly toy ny ACMIL, ENMG, CNFTF, IST, EGNA, ENS, INFA, ENSP, sns.
– Ao ihany koa ny Ambasadin’ny Etazonia, izay manome fiofanana sy torolalana ho an’ireo mpianatra te hanohy ny fianarana any Etazonia sy ireo Oniversite maro sangany eto Madagasikara
– ny fahatongavan’ireo Sekoly ambony avy any amin’ny faritra toy ny ENI sy EMIT Fianarantsoa, IST- Ambositra, IHSM Toliary, sns.
– ny fisian’ny famelabelaran-kevitra isan’andro na “Conférences-débats” arahina torolalana arak’asa ho an’ny sokajin’olona rehetra.
Haharitra 3 andro ny fampirantiana, dia ny 22-23-24 aogositra 2024, manomboka amin’ny 8:30 maraina ka hatramin’ny 5 ora hariva.
Ny lanonam-panokafana dia notarihin’ Andriamatoa Tale jeneralin’ny Fampianarana Ambony, Pr LAZAMANANA Pierre André sy ny Talen’ny CIDST, Ramatoa NALY Cindy Vermeille.
Hitohy any Toamasina ny hetsika Salon de l’étudiant karakarain’ny CIDST sy ny MESupReS, ny 30-31 Aogositra 2024.
More Stories
7ème Forum national de l’éducation/FNE PISCARSEM et célébration de la décennie de CONAMEPT au CCI Ivato
Ouverture d’Inscription Science Hack Day 2024
Salon de l’étudiant et de l’emploi 2024 à Toamasina