𝐒𝐀𝐋𝐎𝐍 𝐃𝐄 𝐋’𝐄𝐓𝐔𝐃𝐈𝐀𝐍𝐓 𝐄𝐓 𝐃𝐄 𝐋’𝐄𝐌𝐏𝐋𝐎𝐈 MAHAJANGA 2025

Nosokafana taminy fomba ofisialy androany 22 Aogositra 2025 ny 𝐒𝐀𝐋𝐎𝐍 𝐃𝐄 𝐋’𝐄𝐓𝐔𝐃𝐈𝐀𝐍𝐓 𝐄𝐓 𝐃𝐄 𝐋’𝐄𝐌𝐏𝐋𝐎𝐈 MAHAJANGA 2025 izay karakarain’ny “Centre d’Information et de Documentation Scientifique et Technique” (CIDST) sy ny Ministeran’ny Fampianarana Ambony sy ny Fikarohana Ara-tsiansa (MESUPRES) tety amin’ny manoloana ny Poste Mahajanga BE.

           Nanomboka tamin’ny 10 ora maraina ny lanonam-panokafana ka nifandimby nandray fitenenana tamin’izany ny solotena avy ao amin’ny Mairie Mahajanga, ny solotenan’ny Governoran’ny Faritra Mahajanga, Ny Talen’ny CIDST Dr NALY Cindy Vermeille, Ny President ny Oniversiten’ny Mahajanga Pr Blanchard RANDRIANAMBININA, ary ny Tale Jeneraly ny fampianarana ambaratonga ambony Dr BEHAJA Alan Basile.

          Tranoeva miisa 39 no mandray anjara ary ahitana sampampianarana maro avy amin’ny faritra maro manerana an’i Madagasikara.

         Tanjona amin’izao hetsika izao ny hanomezana torolalana ara-piofanana sy arak’asa ho an’ireo mpianatra eto Mahajanga. Mpianatra mihoatra ny 3500 isa no andrasana hitsidika ireo tranoeva maro ireo.

          Mbola hitohy hatramin’ny rahampitso 23 Aogositra ity hetsika teto amin’ny toerana manoloana ny Poste Mahajanga Be ity.