Fambolen-kazo sy fanentanana fandrindram-piterahana – Itasy

Taorian’ny Fambolen-kazo izay natao tao amin’ny faritr’Itasy, notarihan’Andriamatoa Minisitry ny Fampianarana Ambony sy ny Fikarohana Ara-tsiansa, Dr RAZAFIHARISON Andriamanantena, dia nanatanteraka ny fanentanana sy fampianarana mahakasika ny fandrindram-piterahana sy ny fanabeazana aizana teny anivon’ny Oniversite ireo ekipan’ny CIDST, notarihan-dRamatoa Tale, NALY Cindy Vermeille, niaraka tamin’ireo mpiasan’ny fahasalamana efa manana traikefa amin’izany.

Mpianatra miisa 1 360 teo ho eo no nanatrika izany tao amin’ny Oniversite Itasy.

Marihina fa fanombohana ihany ity natao tao amin’ny Oniversite Itasy ity, fa ho avy tsy ho ela kosa ny fanentanana any amin’ny faritra misy ny Oniversitem-panjakana manerana an’i Madagasikara.

Tsara ny mampahafantatra fa tafiditra ao anatin’ny programan’asan’ny Filoham-pirenena izay tsy maintsy vitaina ao anatin’ny zato andro ny fanentanana momba ny fanabeazana aizana eny amin’ny Oniversite, koa manatanteraka izany ny MESupReS ary ao anatin’izany ny CIDST izay voatendry manokana hiandraikitra ny fanatanterahana io hetsika io.