Fitsidihan’ny IST-Tana, IST-Ambositra, IST-Diego ary ny mpandrindra ny “Projet JMCT” (Jeunesse Malagasy Compétente au Travail) ny CIDST, ny Alakamisy 11 may 2023.
Nanao fitsidihana ny Centre d’Information et de Documentation Scientifique et Technique (CIDST) ireo delegasiona mafonja avy ao amin’ireo Institut Supérieur de Technologie (IST) telo eto Madagasikara, niaraka tamin’ireo manam-pahaizana avy any Canada ao anatin’ny “projet JMCT” izay notarihan’ny mpandrindra nasionaly ny JMCT eto Madagasikara, Andriamatoa Moussadak ETTAYEBI.
Ny tanjon’ity fitsidihana ity dia ny ahafantaran’izy ireo bebe kokoa mahakasika ny ” unité documentaire ” sy ny asan’ny CIDST amin’ny ankapobeny, izay mifandraika indrindra amin’ny “Projet JMCT”, izay fikasana hanangana “plate-forme de documentation”.
Nitsidika sy nanadihady mahakasika ny fizotran’ny “chaîne documentaire” izy ireo, naka hevitra sy nifampizara traikefa ary nijery izay mety ho fiaraha-miasa azo atao eo amin’ny CIDST sy ny IST ary ny Projet JMCT. Arak’izany dia misy ny vinavinam-piaraha-miasa amin’ireo vondrona telo ireo izay inoana fa tsy ho ela dia hanomboka. Nijery manokana ihany koa ireo tolotra misy eto anivon’ny “Centre”.
More Stories
𝐒𝐀𝐋𝐎𝐍 𝐃𝐄 𝐋’𝐄𝐓𝐔𝐃𝐈𝐀𝐍𝐓 𝐄𝐓 𝐃𝐄 𝐋’𝐄𝐌𝐏𝐋𝐎𝐈 MAHAJANGA 2025
Salon de l’Etudiant et de l’Emploi du MESUPRES-CIDST
𝗔𝘁𝗲𝗹𝗶𝗲𝗿 𝗱𝗲 𝗙𝗼𝗿𝗺𝗮𝘁𝗶𝗼𝗻 𝗲𝗻 𝗔𝗽𝗽𝗿𝗼𝗽𝗿𝗶𝗮𝘁𝗶𝗼𝗻 𝗲𝘁 𝗣𝗲𝗿𝗳𝗲𝗰𝘁𝗶𝗼𝗻𝗻𝗲𝗺𝗲𝗻𝘁 𝗱𝘂 𝗟𝗼𝗴𝗶𝗰𝗶𝗲𝗹 𝗭𝗼𝘁𝗲𝗿𝗼