« 𝗧𝘀𝗲𝗻𝗮𝗯𝗲𝗻’𝗻𝘆 𝗕𝗼𝗸𝘆 »

Ho fankalazana ny Andro maneran-tany ho an’ny Boky sy ny Zon’ny mpamorona ny 23 aprily, ny Minisiteran’ny Serasera sy ny Kolontsaina amin’ny alalan’ny Tranombokim-pirenena eto Madagasikara dia manome fotoana antsika mandritra ny telo andro amin’ny TSENABEN’NY BOKY.

Fotoana iray entina hanomezan-danja ny boky sy ireo mpisehatra rehetra amin’izany ny TSENABEN’NY BOKY.

Io fotoana io no ahitana an’ireo mpisehatra eo amin’ny tontolon’ny boky: mpanoratra, mpanao sary, ny mpamoaka boky, ary ny mpivaro-boky. Ireo mpisehatra ireo no mandravona ny rohin’ny boky.

Ireo asa ireo dia samy manan-danja avokoa, ilaina fahaiza-manao ary fiaraha-miasa ary indrindra ny fanohanana avy amintsika mpanjifa.

Ny zava-dehibe dia hisongadina mandritra ireo telo andro ireo ny hatsaran’ny boky novokarin’ireo mpisehatra eto Madagasikara.

Maro ny seho sy hetsika ary fifaninanana ho hitantsika amin’io fotoana io.