𝗔𝗻𝗱𝗿𝗼 𝗳𝗮𝗵𝗮𝗿𝗼𝗮 𝗮𝗺𝗶𝗻’𝗻𝘆 “𝗦𝗮𝗹𝗼𝗻 𝗱𝗲 𝗹’𝗲́𝘁𝘂𝗱𝗶𝗮𝗻𝘁” 𝟮𝟬𝟮𝟱 𝗲𝘁𝗼 𝗔𝗻𝘁𝗮𝗻𝗮𝗻𝗮𝗿𝗶𝘃𝗼

Ankoatran’ny fampirantiana eny anivon’ireo trano eva maherin’ny 75, dia

nampiavaka ity andro faharoa ity ny famelabelaran-kevitra narahina torolalana sy fanentanana mikasika ny fidirana ao amin’ny Polisim-pirenena Malagasy.

Novelabelarin’ireo manam-boninahitra sy tompon’andraikitra isan-tsokajiny ao anatin’ny fikambanan’ny Polisim-pirenena Malagasy ireo dingana rehetra tsy maintsy lalovana raha te hiditra hanao Polisy.

Nisy ihany koa ny fampisehoana mivantana ireo karazana fiofanana atao ao anatin’izany sehatra izany, ka nanaovan’ireo Polisy sy mpianatra ho Polisy eo anivon’ny Polisim-pirenena fampiharana manoloana ireo mpanatrika.

Nandritra ny famelabelarana dia nisy hatrany ny fisarihana sy fizarana loka niarahana tamin’ny Yas Madagascar izay nahazoana “casquette, tee-shirt” ary fahana Yas.

Tonga maro be ireo tanora sy mpianatra liana sy nanatrika ny famelabelarana.